Հայ երիտասարդությունն անհանգստացած է, որ այսօր  ղարաբաղյան հիմնախնդրի  կարգավորման հիմքում դրված են Մադրիդյան սկզբունքները:

Այս անհանգստություն հատկապես արտահատվեց  հայ-թուրքական հարաբերությունների ներկայիս գործընթացի ֆոնի վրա, երբ Թուրքիան ամեն կերպ փորձում է արցախյան հիմնահարցը ներառել  հայ- թուրքական հարաբերություններում:

Երիտասարդական տարբեր կառույցներ խիստ մտահոգված են, որ Թուրքիայի ղեկավարներն սկսել են  Արցախի հարցը  դիտարկել որպես հայ-թուրքական  սահմանի բացման նախապայման:

Երեկ տեղի ունեցած նման քննարկումներից մեկի ժամանակ հայ երիտասարդները նախ արձանագրեցին Մադրիդյան սկզբունքներում առկա ոչ հայանպաստ  կետերը. ըստ երիտասարդների, առավել վտանգավոր  են համարվում  «անվտանգության երաշխիքներ» ասվածն ու «գրավյալ տարածքներ» ձևակերպումը: Իհարկե, դա  բնավ չի նշանակում, թե մնացյալն անտեսվեց:

Մասնակիցները որոշեցին դիմում հղել Հայաստանի Հանրապետության նախագահին  և առաջարկել` մերժել  Մադրիդյան սկզբունքները, քանի որ փաստաթուղթն  ամբողջությամբ հակահայկական է:

Armar.am