Թուրքիայի ազգային մեծ ժողովի արտաքին հարաբերությունների հանձնաժողովի անդամներն այսօր մեկնում են Ադրբեջան: Թուրքական լրատվամիջոցների փոխանցմամբ` թուրք խորհրդարանականների պատվիրակության այցը Բաքու գլխավորելու է մեջլիսի արտաքին հարաբերությունների հանձնաժողովի նախագահ Մուրաթ Մերջանը:

Թուրքական պատվիրակությունը կհանդիպի Ադրբեջանի նախագահ Իլհամ Ալիևի հետ: Հանդիպումներ են նախատեսված նաև Ադրբեջանի մեջլիսի նախագահ Օքթայ Էսադովի, արտգործնախարար Էլմար Մամեդյարովի ու մեջլիսի միջազգային և միջխորհրդարանական հարաբերությունների հանձնաժողովի նախագահ Սամեդ Սեյիդովի հետ:

Թուրք խորհրդարանականների վերադարձը Անկարա ծրագրված է հոկտեմբերի 30-ին:

Հիշեցնենք, որ հոկտեմբերի 13-ին`  Թուրքիա-Հայաստան ֆուտբոլայի խաղի նախօրեին,  Անկարա էին ժամանել Ադրբեջանի խորհրդարանական պատվիրակության 11 անդամներ`  Հայաստանի և Թուրքիայի միջև ստորագրված արձանագրությունների շուրջ քննարկում ծավալելու նպատակով: Նրանք իրենց ժամանումը մեկնաբանել էին այս կերպ, որ չեն հավատում Անկարայի կառավարությանը, թե վերջինս Ադրբեջանի հարցում  իր խոսքի տերը կլինի:

ArmAr.am