Թուրքիայի առողջապահության նախարարն այսօր հայտարարել է, որ երկրում խոզի գրիպի հետևանքով մահացության դեպքերի թիվը հասել է վեցի:

Նախարարի խոսքով՝ օրերս խոզի գրիպի զոհ են դարձել 27-ամյա բուժծառայող  և երկու երեխա, որոնցից մեկը երկու տարեկան էր, իսկ մյուսը` 14: Բացի այդ, Դիարբեքիրի հիվանդանոցում մահացել է 24-ամյա մի աղջիկ: Հավանականությունը մեծ է, որ նա ևս մահացել է խոզագրիպից, բայց դա պարզ կլինի միայն լաբորատոր ստուգումից հետո:

Թուրքիայի առողջապահության նախարարությունը տեղեկացրել է, որ խոզի գրիպով վարակված 9 հիվանդներ գտնվում են երկրի տարբեր հիվանդանոցներում՝ բժիշկների հսկողության տակ:

Հիշեցնենք, որ 2009թ. մայիսի 15-ից մինչ օրս Թուրքիայում գրանցվել է խոզի գրիպով հիվանդների  870 դեպք:

ArmAr.am