Հանդիսատեսի դատին է հանձնված Մադրիդյան սկզբունքների վերաբերյալ  նկարահանված  ֆիլմ` «Մխացող պատրույգ»:

«Մենք որոշել ենք ստեղծել այս ֆիլմը` հաշվի առնելով Հայաստանի ներքին կյանքում վերջին զարգացումները: Ի վերջո, կգա մի օր, երբ մեզ կարող են փաստի առջև կանգնեցնել Ղարաբաղի հարցի առումով»,-մեկնաբանում է ֆիլմի ռեժիսոր Ջիվան Ավետիսյանը:

Ռեժիսորի նպատակը խնդիրը հասարակությանը ներկայացնելն է եղել:

«Ի՞նչ է այսօր առաջարկում Մադրիդյան փաստաթուղթը` հայկական  զորքերի դուրսբերում մեր զինվորների արյան գնով ազատագրված տարածքներից, ադրբեջանցի փախստականների վերադարձ մեր տարածքներ` Ղարաբաղի անորոշ կարգավիճակի դիմաց: Դա հաստատ կհանգեցնի Ադրբեջանի կողմից Ղարաբաղի գործերին միջամտելուն, և 20-ամյա վաղեմության պատմությունը կկրկնվի: Բայց Ղարաբաղում հանրաքվե է անցկացվել, արցախցին ընտրել է ինքնորոշման ճանապարհը»,-ասում է ռեժիսորը և ավելացնում, որ եթե ուզում ենք մեր երեխաներն ապրեն խաղաղ պայմաններում, պետք է հենց այս պահից սկսած ատամ ցույց տանք մեր թշնամիներին:  Ֆիլմն, ըստ էության, կոչված է իրականացնելու այդ բարդ «առաքելությունը»:

Եթե որևէ մեկը համարձակվի մեր պատմական տարածքներից թեկուզ մի փոքր հատված զիջել,  պայթյուն տեղի կունենա. այստեղից էլ առաջացել է ֆիլմի անվանումը` «Մխացող պատրույգ»:

ArmAr.am