Վաշինգթոնը Ադրբեջանին վերջնագիր է ներկայացրել` սպառնացել է ճանաչել Լեռնային Ղարաբաղի անկախությունը, եթե Ադրբեջանը շարունակի ռազմական սպառնալիք ներկայացնել ու ռազմական գործողություններ իրականացնել Լեռնային Ղարաբաղում:

Ինչպես տեղեկացնում է  Panorama.am-ը, այս տեղեկությունը նախօրեին տարածել էր Ադրբեջանի ընդդիմադիր «Յենի Մուսավաթ» կուսակցությունը և որպես հիմնավորում նշել էր ԱՄՆ Պետքարտուղարի օգնականի տեղակալ Թինա Քեյդենաուի անունը:

Ըստ ադրբեջանական աղբյուրի, «Վաշինգթոնը, ի դեմս Թինա Քեյդենաուի, պատասխան են տվել ղարաբաղյան հակամարտության խնդրի լուծման համար ռազմական ուժի կիրառման մասին պաշտոնական Ադրբեջանի հաճախակի դարձած ռազմաշունչ հայտարարություններին»: