Հայտնի է դարձել “Caspian Airlines” ավիաընկերության Տու-154 ինքնաթիռի կործանման պատճառը: Ինքնաթիռը վայր է ընկել` շարժիչի հանկարծակի կանգ առնելու պատճառով: Վթարից մեկ օր առաջ ինքնաթիռը Մինվոդի քաղաքի օդանավակայանում տեխզննում է անցել, սակայն որևէ թերություն նրանում չի հայտնաբերվել: Իսկ օդում, ահա, շարժիչը շարքից դուրս է եկել:
Մինչ այս բացահայտումը, վարկածներ էին պտտվում, թե ինքնաթիռի կործանման պատճառ կարող է հանդիսանալ վառելիքի գերբեռնվածությունը, որը պահանջվածից շատ է եղել: Բայց այս վարկածը հերքվել է: “Caspian Airlines” ընկերությունը հերքել է նաև այն վարկածը, ըստ որի, ինքնաթիռի վթարի պատճառը շարժիչներից մեկում բռնկված հրդեհն է:
Հիշեցնենք, որ Թեհրան-Երևան չվերթն սպասարկող Տու- 154 ինքնաթիռը վթարի էր ենթարկվել հուլիսի 15-ին` թռիչքից 16 րոպե անց, ինչի արդյունքում զոհվել էին ինքնաթիռում գտնվող բոլոր` 168 ուղևորները:
armarlur.com

Թեգեր` “Caspian Airlines