Հոկտեմբերի 6-ից 9-ը Ֆրանսիայում` «Թուրքիայի տարվա եղանակներ» միջոցառումների շրջանակում, Ստամբուլի առևտրի պալատը Թուրքիայի հայ գործարարների հետ միասին կմեկնի Ֆրանսիա` Մարսել: Ստամբուլի առևտրի պալատի նախագահ Մուրադ Յալչընթաշն այս առիթով հայտարարել է, որ իրենց նպատակը երկկողմանի հարաբերությունների զարգացումն է: Միաժամանակ տեղեկացրել, որ Ֆրանսիայում հայկական սփյուռքը մեծ դեր ունի, հետևապես, թուրք-ֆրանսիական կապերի ամրապնդման գործում կարևոր դերակատարում կարող են ունենալ ֆրանսիահայ գործարարները: Թուրքերը լավ են գիտակցում, որ միայն հայերի միջոցով կարող են փոխել ֆրանսիացիների բացասական վերաբերմունքն իրենց նկատմամբ:
Թուրքական մամուլը հիշեցրել է, որ 1915-ին տեղահանված հարյուր հազարավոր հայեր Սամսունից (հայկական անվանումը `Սասուն) նավերով գաղթել են Մարսել, իսկ այստեղից էլ ԱՄՆ, Կանադա, եվրոպական այլ երկրներ: Այս փաստը նկատի ունենալով, թուրքական ԶԼՄ-ները նկատում են, որ այսօր Մարսելի քաղաքական և գործարար շրջանակներում հայերի դերը բավականին մեծ է, իսկ նրանք մարդիկ են, որոնք 15-ի ցեղասպանության ժառանգներն են:
armarlur.com

Թեգեր` ԱՄՆ, Կանադա