Որքանո՞վ են Թուրքիայում ոտնահարվում ազգային փոքրամասնությունների իրավունքները:

Այս հարցի  ճշտման նպատակով Թուրքիա են այցելել Եվրոպայի խորհրդի  իրավաբանական հանձնախմբի անդամները:

Եվրոպացի դիտորդներն այցելել են նաև Ստամբուլի Հայոց պատրիարքարան և հանդիպել պատրիարքի տեղապահ արքեպիսկոպոս Արամ Աթեշյանի հետ:

Հյուրերի թվում են եղել Ավստրիայի և Եվրոպայի իրավաբանական հաստատությունից` Քրիստոֆ Կրապենվարթերը, Նորվեգիայի Օսլոյի համալսարանի սահմանադրական իրավագիտության բաժնից` Ֆրեդերիկ Սեժերսթեդը և Իտալիայի Վենետիկյան հաստատությունից` փոխքարտուղար Թոմաս Մարքերթը: Վերջիններս փորձել են  պարզել, թե Թուրքիայում ապրող հայերի իրավունքներն ի՞նչ չափով են այդ երկրում ոտնահարվում:

Հիշեցնենք, որ միջազգային կազմակերպությունների կողմից Թուրքիայում անցկացվող նման «ստուգումները» սովորական բնույթ են կրում, և ինչպես միշտ, այդ կառույցների ներկայացրած վերջնական եզրակացությունն  Անկարայի օգտին չի լինում:

ArmAr.am

Թեգեր` Եվրոպա, Թուրքիա, իրավունք, ոտնահարում, Ստամբուլ