Եթե Թուրքիան ԵՄ-ին անդամակցելու մտադրություն ունի, պետք է ճանաչի Հայոց ցեղասպանությունը:
Նոյեմբեր 16, 2009թ. 20:10
Շվեդիայի Սոցիալ-դեմոկրատական կուսակցության` Հայոց ցեղասպանությունը դատապարտող որոշումը թուրք ժողովրդին հասցված վիրավորանք է, հայտարարել է Թուրքիայի պետնախարար, Թուրքիայի ԵՄ անդամակցության հարցով գլխավոր բանակցող Էգեմեն Բաղիսը:
Շվեդիայի Սոցիալ-դեմոկրատական կուսակցությունը իր տարեկան ժողովում Հայոց ցեղասպանությունը դատապարտող որոշում էր կայացրել` նշելով նաեւ, որ Առաջին համաշխարհային պատերազմի տարիներին Օսմանյան կայսրությունում, հայերից բացի, ցեղասպանության են ենթարկվել նաեւ ասորիները: Կուսակցության ղեկավարը նշել էր, որ եթե Թուրքիան ԵՄ-ին անդամակցելու մտադրություն ունի, ապա պետք է ճանաչի Հայոց ցեղասպանությունը:
Հարցը հնարավոր է` քննարկվի Շվեդիայի խորհրդարանում: Բաղիսը հույս է հայտնել, որ շվեդական խորհրդարանն այդ հարցին չի անդրադառնա:
ArmAr.am
Դիտել Լրահոս բաժնի բոլոր նյութերը
