«Ղարաբաղյան խնդրի կարգավորումն ու հայ-թուրքական հարաբերությունների մերձեցման գործընթացն իրար հետ ոչ մի կապ չունեն»,- այսօր հայտարարել է Շվեյցարիայի արտաքին գործերի նախարար, Եվրոպայի խորհրդի նախարարների խորհրդի նոր նախագահ Միշելին Կալմի-Ռեյը։

Նրա կարծիքով, Ցյուրիխում ստորագրված արձանագրությունները երկու երկրների խորհրդարանների կողմից պետք է վավերացվեն. «Մենք հույս ունենք,  որ Հայաստանը և Թուրքիան առաջիկայում կվավերացնեն արձանագրությունները։ Ինչ վերաբերում է Ղարաբաղյան խնդրին, ապա դրա կարգավորումը որևէ կերպ չպետք է կապակցվի հայ-թուրքական հարաբերությունների մերձեցման գործընթացին»,- ասել է Միշելին Կալմի-Ռեյը։

Նշենք, որ Եվրոպայի խորհրդի նախարարների խորհրդի նախագահի պարտականությունները Միշելին Կալմի-Ռեյը ստանձնել է երեկ՝  նոյեմբերի 18-ին։

ArmAr.am

Թեգեր` ԵԽ, Թուրքիա, հայ-թուրքական հարաբերություններ, Հայաստան, Ղարաբաղյան խնդիր, Միշլին Կալմի-Ռեյ, Շվեյցարիա, Ցյուրիխ