Ռուսաստանի ԱԳՆ. Իրանի հանդեպ նոր սանկցիաներ չեն կիրառվի
Նոյեմբեր 19, 2009թ. 19:15
ՄԱԿ-ի Անվտանգության Խորհուրդը չի քննարկում Իրանի հանդեպ նոր արգելանքներ կիրառելու հնարավորությունը: «Հարկավոր է թույլ տալ, որպեսզի դիվանագիտությունն աշխատի, իսկ զգացմունքները միայն կխանգարեն»,- այդ մասին այսօր հաղորդել է Ռուսաստանի արտաքին գերատեսչության պաշտոնական ներկայացուցիչ Անդրեյ Նեստերենկոն:
Խոսելով Իրանից ցածր հարստացված ուրանի դուրսբերման մեխանիզմների մասին` Նեստերենկոն ասել է. «Որքան հայտնի է ռուսական կողմին, Թեհրանից դեռևս վերջնական պատասխան չի ստացվել, թե ինչ մեխանիզմով է Իրանից դուրս բերվելու ցածր հարստացված ուրանը` այլ երկրում հարստացվելու համար»:
Հիշեցնենք, որ Իրանին հարստացված ուրան է անհրաժեշտ Թեհրանի հետազոտական ռեակտորի գործունեությունն ապահովելու համար:
ArmAr.am
Դիտել Լրահոս բաժնի բոլոր նյութերը
