Ավարտվեց նախագահների ևս մեկ հանդիպում
Մյունխենում ավարտվեց նախագահներ Սերժ Սարգսյանի և Իլհամ Ալիևի հանդիպումը:
Նշեք, որ այն նախագահներ Սարգսյանի և Ալիևի արդեն վեցերորդ հանդիպումն էր:
Նախագահների դեմ առ դեմ առանձնազրույցին հետևել է հանդիպում` ընդլայնված կազմով, որին մասնակցել են Հայաստանի և Ադրբեջանի արտաքին գործերի նախարարներ Էդվարդ Նալբանդյանն ու Էլմար Մամեդյարովը, ԵԱՀԿ Մինսկի խմբի համանախագահներ Ռոբերտ Բրատկեն, Յուրի Մերզլյակովն ու Բեռնար Ֆասիեն, ինչպես նաև` ԵԱՀԿ նախագահի անձնական ներկայացուցիչ Անջեյ Կասպրչիկը:
Մյունխենում կայացած հանդիպումից անմիջապես հետո, ինչպես հաղորդում է «Ռոյթերզ» գործակալությունը, ԵԱՀԿ Մինսկի խմբի ֆրանսիացի համանախագահ Բեռնար Ֆասիեն, ասել է, որ Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի մյունխենյան հանդիպման ընթացքում կարևոր առաջընթաց է ձեռք բերվել, միևնույն ժամանակ, ի հայտ են եկել որոշ դժվարություններ:
«Որոշակի կարևոր առաջընթացի հասանք»,- ասել է Բեռնար Ֆասիեն և հավելել. «Միևնույն ժամանակ մենք որոշակի դժվարություններ բացահայտեցինք»:
Բեռնար Ֆասիեն հայտնել է, որ ինքն ու իր ամերիկացի և ռուս գործընկերը կնախապատրաստեն նախագահների հաջորդ հանդիպումը: Նա որևէ կոնկրետ ժամկետ չի նշել:
Դիտել Լրահոս բաժնի բոլոր նյութերը
