Օրերս Արցախում փորձարկվել է արհեստական խոտածածկույթով  առաջին  մարզադաշտը: 13 տարեկան պատանիների խաղը դիտել են ԼՂՀ նախագահ Բակո Սահակյանը,   բարձրաստիճան պաշտոնյաներ, պաշտպանության բանակի հրամկազմը:

Մինչև առաջին խաղի մեկնարկը վերանորոգ մարզադաշտում հանդիսավոր տողան էր`  այս տարվա ‎ֆուտբոլի պատանեկան առաջնության հաղթող թիմերի  մասնակցությամբ:

Հանդիպումը նաեւ ‎ Արցախում ֆուտբոլի հետագա ճակատագրի  մասին խոսելու առիթ էր: Հատկապես վերջին  երկու տասնամյակը ազգային ֆուտբոլի համար հիմնականում կորուստներով է նշանավորվել:

Հիմա ամեն ինչ փոխվում է: Ֆուտբոլի  զարգացման համար միջոցներ են ներդրվում: Ջանքեր են թափում` ազգային ֆուտբոլի նախկին փառքը վերականգնելու ուղղությամբ:   Այդ համատեքստում կարեւոր տեղ ունի նաեւ համագործակցությունը Հայաստանի ‎ֆուտբոլի ֆեդերացիայի հետ: Հենց վերջինիս  հովանավորությամբ էլ ներկայումս Ստեփանակերտում արհեստական խոտածածկույթով երեք մարզադաշտ է կառուցվում: Գալիք տարի  շինարարությունը տեղափոխվելու է շրջաններ: Շուշին առաջինների թվում է լինելու, վստահեցնում է ՀՀ ֆուտբոլի ֆեդերացիայի նախագահ  Ռուբեն Հայրապետյանը:

Իսկ այսօր Հայաստանի և Արցախի ‎‎ֆուտբոլի ֆեդերացիաների նախագահները և Սպորտի պետական կոմիտեն վետերան ֆուտբոլիստների հետ  պարգևներ հանձնեցին այս տարվա պատանեկան առաջնության  հաղթող թիմերին և լավագույնխաղացողներին:

Նոր խաղադաշտը  փորձառու ‎ֆուտբոլիստներին և այդ մարզաձևի երկրպագուներին մարզաձեւի զարգացման նոր հույսեր է ներշնչում: Այդ հարցում ԼՂՀ ‎ ֆուտբոլի ֆեդերացիայի նախագահ Սամվել Կարապետյանը լավատես է: Վստահ է` արժանի հերթափոխ է աճում:

Նորայր Հովսեփյան