Ատոմային էներգիայի միջազգային գործակալությունն (ՄԱԳԱՏԵ) ու անդամ երկրներն, ըստ Իրանի նախագահ Ահմադինեժադի, անհանգստացած չեն Իրանի կողմից հնարավոր  միջուկային   զենքի ստեղծմամբ, նրանք պարզապես ցանկանում են խոչընդոտել իսլամական աշխարհում տեխնոլոգիաների զարգացումը: Ի հեճուկս նման նկրտումների, Իրանն, ըստ երկրի առաջնորդի, պատրաստվում է  ստեղծել նանոմանրադիտակ, որն էլ հենց կլինի Իրանի գլխավոր «ռումբը», իսկ ինչ վերաբերում է ՄԱԳԱՏԵ-ի ակնդետ ուշադրությանը Իրանի միջուկային քաղաքականության նկատմամբ, այդտեղ արդեն, ըստ Ահմադինեժադի, ամեն բան իր սահմանն ունի. «Իրանը պարտավոր չէ իր տարածքում ինչ-որ բան կառուցելուց առաջ այդ մասին տեղյակ պահել ՄԱԳԱՏԵ-ին»,-հայտարարել է Իրանի նախագահը:

Ահմադինեժադը կարծում է, որ ՄԱԳԱՏԵ-ի անդամ երկրները պարզապես չեն կարող ստիպել Իրանին հրաժարվել միջուկային ծրագրերից:

ArmAr.am