Բոսնիա եւ Հերցեգովինայի դեսպանը Հայաստանի արտաքին գործերի նախարարի տեղակալ Կարինե Ղազինյանին հանձնեց

իր հավատարմագրերի պատճենը

Դեկտեմբերի 7-ին Հայաստանի արտաքին գործերի նախարարի տեղակալ Կարինե Ղազինյանն ընդունեց Հայաստանում Բոսնիա եւ Հերցեգովինայի նորանշանակ դեսպան պարոն Ժելկո Յանետովիչին (Želko Janjetović) հավատարմագրերի պատճենի հանձնման կապակցությամբ: Այս մասին տեղեկացնում են ՀՀ ԱԳՆ-ից:

Շնորհավորելով դեսպան Յանետովիչին իր նոր առաքելությունը ստանձնելու առիթով` փոխնախարար Ղազինյանը հաջողություն մաղթեց նրան դիվանագիտական առաքելության կատարման գործում` հույս հայտնելով, որ նոր դեսպանի նշանակումը կնպաստի Հայաստանի ու Բոսնիա եւ Հերցեգովինայի համագործակցության ընդլայնմանը երկկողմ եւ բազմակողմ ձեւաչափերով:

Զրուցակիցները կարեւորեցին երկու երկրների միջեւ փոխայցելությունների ակտիվացումը, առեւտրատնտեսական հարաբերությունների հետագա զարգացումը:

Դեսպանի խնդրանքով փոխնախարարն անդրադարձավ նաեւ հայ-թուրքական հարաբերությունների եւ արցախյան հիմնախնդրի կարգավորմանն առնչվող վերջին զարգացումներին:

ArmAr.am

Այս մասին տեղեկացնում են ՀՀ ԱԳՆ-ից:

ArmAr.am