Քաշաթաղի շրջանային վարչակազմի եւ ՀՅԴ Արցախի Կենտրոնական Կոմիտեի համագործակցությամբ սեպտեմբերի 2-ին Բերձորում կկազմակերպվի Լեռնային Ղարաբաղի Հանրապետության հռչակման 18-րդ տարեդարձին նվիրված միջոցառումների շարք: Այդ մասին «ԱրմԱր»-ին իրազեկեց ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը: «Միջոցառման անցկացման վայրը պատահական չի ընտրվել, մենք ցանկանում ենք հերթական անգամ հավաստել, որ ազատագրված տարածքների հարցում Արցախում բոլորս միակամ ենք»:
Բնականաբար, հայ-թուրքական հարաբերությունների կարգավորման մասին հրապարակված արձանագրությունները որոշակի խմբագրումներ են մտցրել միջոցառման նախնական բեմագրի մեջ: « Անշուշտ, անդրադառնալու ենք նաև այդ խնդրին,- մանրամասնեց Դ. Իշխանյանը, նկատելով .«ինչ վերաբերում է այդ արձանագրություններին, ապա կարող եմ ասել, որ Դաշնակցության մոտեցումներն ամենուր նույնն է` ինչպես Հայաստանում, այնպես էլ ԼՂՀ-ում:»

Նորայր ՀՈՎՍԵՓՅԱՆ
Ստեփանակերտ

Թեգեր` ազատագրված տարածքներ, Արցախ, Դավիթ Իշխանյան