Մարմարա» օրաթերթը տեղեկացնում է, որ դեկտեմբերի 16-ին Հայոց  պատրիարքական ընտրությունը նախապատրաստող մարմինը Ստամբուլի հայոց պատրիարքարանում գումարել է իր անդրանիկ ժողովը եւ պարտականությունների բաշխում է կատարել:

Փոփոխություն է կատարվել հանձնախմբի կազմում. հրաժարական ներկայացրած Մաշտոց քահանա Գալփաքչյանի եւ Պարոն Նալբանդի փոխարեն հանձնախմբի կազմում ընդգրկվել են Խաչիկ Չանելը եւ Դավիթ Դալմաղը: Նրանց է միացել նաեւ փաստաբան Սեպուհ Ասլանգիլը: Մամուլի խոսնակ է նշանակվել Սեդրակ Դավուդհանը:

Դեկտեմբերի 21-ին կկայանա հաջորդ ժողովը, որին կմասնակցեն  նաեւ լրագրողներ:

ArmAr.am