«Արցախի անկախության ճանաչումն անխուսափելի է, դա  միայն ժամանակի խնդիր է»,- այսօր Արցախի անկախության օրը լրագրողների հետ ճեպազրույցի ընթացքում ասել է ԼՂՀ նախագահ Բակո Սահակյանը:

ԼՂՀ նախագահը վստահեցրել է, որ անկախության   ճանաչումը    չի կարող լինել նախկին Ինքնավար մարզի սահմաններում:

ԼՂՀ նախագահն այնքան էլ չի հավատում  հայ-թուրքական հարաբերությունների հարցում թուրքական կողմի անկեղծությանը: Անդրադառնալով հայ-թուրքական հարաբերություններում արձանագրված վերջին տեղաշարժերին` նախագահ Բակո Սահակյանը նշել է, որ դրանք միջազգային հանրությանը ևս մեկ հնարավորություն կտան գնահատելու, թե կողմերից ո՞վ է անկեղծորեն ձգտում եւ ո՞վ է ամեն կերպ փորձում խուսանավել հարաբերությունների հաստատման գործընթացից:

Նորայր Հովսեփյան

Ստեփանակերտ