Հայ ազգային կոնգրեսի ներկայացուցիչ Դավիթ Շահնազարյանի կարծիքով  տարվա  կարևորագոգույն իրադարձությունն այն է, որ  2009 թվականին ՀԱԿ-ը  կայացավ որպես «ինստիտուցիոնալ ընդդիմություն»:

Բայց հանուն արդարության Դավիթ Շահնազարյանը նաև «աչք չի փակել» «ինստիտուցիոնալ ընդդիմության» բոցթողումների վրա: Իսկ որպես այդպիսին, ՀԱԿ-ականը համարել է  քաղբանտարկյալների խնդրի առկայությունը: Կոնգրեսը, որ  մշտապես իր առաջամարտիկներին ազատ արձակելը համարել է իր առաջնային գործը, Շահնազարյանի համոզմամբ, չկարողացավ  «վերջնական քայլեր կատարել այդ հարցում»:

Խոսելով ներքաղաքական դաշտից, Շահնազարյանն «ինստիտուցիոնալ ընդդիմության»-ը` ՀԱԿ-ին,  հակադրել է «նոմենկլատուրային ընդդիմության»`  Դաշնակցությանը, որը`  ՀԱԿ-ի ներկայացուցչի խոսքերով. «Այդպես էլ չհասկացավ, որ քաղբանտարկյալների հարցը ավելի կարևոր է, քան հայ-թուրքական և Ղարաբաղի հարցերը»:

Խոսելով հայ-թուրքական հարաբերություններում սկսված գործընթացի մասին, Կոնգրեսի անդամ Դավիթ Շահնազարյանը հայտարարել է, թե հայ-թուրքական հարաբերությունները կհաստատվեն, բայց  ոչ արդեն ստորագրված արձանագրությունների հիման վրա. «Դրանք կհաստատվեն նոր արձանագրությունների հիման վրա, և ոչ այս իշխանությունների օրոք»:

Դ. Շահնազարյանն անդրադառնալով հնչող  այն կածիքներին, թե եթե մինչեւ ապրիլի 24-ը Թուրքիան չվավերացնի հայ-թուրքական արձանագրությունը, ապա ԱՄՆ Կոնգրեսը կճանաչի Հայոց Ցեղասպանությունը, ասել է, թե դա  մոլորություն է: Ապա հայտարել է, թե ՀՀ իշխանությունները հայ-թուրքական կարգավորման գործընթացի շրջանակում գործարքի են գնացել Հայոց Ցեղասպանության հարցում:

Անդրադառնալով ՀԱԿ-ի կողմից հայտարարված քաղաքական պայքարի դադարին ու ցիտեով ՀԺԿ նախագահ Ստեփան Դեմիրճյանին, ասել է.«Բնության մեջ ընդհանրապես ամեն ինչ պետք է չափ ունենա: Բայց ես կարծում եմ, որ մեր դադարը շատ ճիշտ էր մտածված եւ հաշվարկված, ինչը բերել է ու շարունակում է բերել որոշակի քաղաքական դիվիդենտներ»: Նրա խոսքով, անկասկած, կգա նաև ակտիվացման պահը:

ՀԱԿ-ի բոլոր անդամների նման Շահնազարյանն էլ դժվարացել է  ակտիվացման կոնկերտ ժամկետներ նշել:

ArmAr.am