Ադրբեջանի ATV հեռուստաընկերության «Haberlar» լրատվական դեպարտամենտի խմբագիր Վազիֆ Այդինօղլուն հայտնել է, որ Ադրբեջանում նախատեսվում է հայալեզու հեռուստաալիք ստեղծել: Այդ մասին հաղորդում են ադրբեջանական էլեկտրոնային լրատվամիջոցները:

Այդինօղլուի խոսքերի համաձայն, Ադրբեջանի առաջին միջազգային ալիքի հայալեզու տարբերակի բացումը սպասվում է արդեն այս ամսվա վերջին: Նա ասել է նաև, որ միջազգային հեռուստաընկերության համար գնվել են տեխնիկական սարքավորումների նորագույն մոդելները, որոնց տեղադրման աշխատանքներն արդեն մոտենում են ավարտին:

ATV հեռուստաընկերության «Haberlar» լրատվական դեպարտամենտի խմբագիրը նույնիսկ չի թաքցնում, որ միջազգային հեռուստանընկերությունը հիմնական շեշտադրումը դնելու է քարոզչության վրա: Ճշմարիտ լուրեր տարածելու վերաբերյալ Վազիֆ Այդինօղլուն ոչինիչ չի ասել:

Նշենք, որ որ «ATV Int»-ը հաղորդելու է 5 լեզուներով։ Նորությունների ադրբեջաներեն, ֆարսի, անգլերեն, ռուսերեն և հաերեն լեզուներով հաղորդման համար արդեն 30 մասնագետ է ընտրվել։

Թեգեր` Haberlar