Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը 2009 թ. տարեվերջին լույս է ընծայել մի շարք գրքեր:

Հրատարակվել են`

ա/ 20-րդ դարի հունական պատանեկան գրականության լավագույն վիպասաններից Պենելեոպե Դելտայի ՙՀանուն հայրենիքի՚ պատմավիպակը 10-րդ դարի բյուզանդական-բուլղարական հարաբերությունների մասին` Մարիաննա Ապրեսյանի թարգմանությամբ և նվիրատվությամբ.

բ/ Աելիտա Դոլուխանյանի ՙՆերսես Մոկացի՚ մենագրությունը` 16-17-րդ դարերի նշանավոր եկեղեցական գործիչ, փիլիսոփա և բանաստեղծ Ներսես Մոկացու կյանքի, հասարակական գործունեության և բանաստեղծական ժառանգության մասին.

գ/ Կարպիս Սուրենյանի` հայ ճարտարապետությանը նվիրված ՙՈգու ամրոցներ՚ էսսեն, որ հրատարակվել է ՙՍարգիս Գաբրիելյան՚ հիմնադրամի մեկենասությամբ.

դ/ Լևոն Միրիջանյանի հեղինակած ՙԱստվածաշունչը և մենք՚ աշխատությունը:

ArmAr.am