Ցուցարարները կայրեն արձանագրությունները

Այսօր hայստանյան ողջ հասարակության  ու քաղաքական ուժերի ուշադրության կենտրոնում ՀՀ Սահմանադրական դատարանում սպասվող քննարկումներն են: ՀՀ ՍԴ-ն կքննի Հայաստանի և Թուրքիայի միջև հարաբերություններ հաստատելու մասին հայ-թուրքական արձանագրություններն ու կտա եզրակացություն՝ հայ-թուրքական արձանագրությունների սահմանադրականության վերաբերյալ։

Իսկ մինչ այդ Սահմանադրական դատարանի շենքի դիմաց սկսվել են` ընդդեմ հայ–թուրքական արձանագրությունների բողոքի գործողությունները: Ակցիային, որի կազմակերպիչն է Դաշնակցությունը, միացել են 14 քաղաքական կուսակցություններ ու հասարակական կազմակերպություններ:

Այս պահին ընդդեմ հայ-թուրքական արձանագրությունների ՍԴ շենքի առջև բողոքի ակցիա է կազմակերպել նաև «Ժառանգություն» խմբակցության անդամ Զարուհի Փոստանջյանին միացած Թեղուտի պաշտպանության խումբը:

Նախատեսվում է «Հայտարարության» հանձնում ՀՀ ՍԴ անդամներին, արձանագրությունների սիմվոլիկ այրում և թռուցիկների տարածում:

ArmAr.am