Թուրքական «Միլլեթ» թերթը գրել է, թե Ֆրանսիայում հրատարակվող «Նուվել դ’ Աղմենի» ամսագրի գլխավոր խմբագիր Արա Թորանյանն  ասել է, որ Ֆրանսիայում  2009 թ. հուլիսից մինչև 2010-ի մարտը Թուրքիայի տարվա շրջանակներում կկայանան 400-ից ավելի մշակույթային և տնտեսական միջոցառումներ, որոնց ընթացքում անդրադարձ չի լինելու 20-րդ դարասկզբի առաջին` Հայոց Ցեղասպանությանը: Նա հիշեցրել է, որ մոտ 30 պետություն, այդ թվում և Ֆրանսիան` 2001թ. պաշտոնապես ճանաչել և դատապարտել են Հայոց ցեղասպանությունը: Խմբագիրը ֆրանսիացիներին խորհուրդ է տվել չմոռանալ, որ Թուրքիան այն պետությունն է, որ իրականացրել է հայերի ցեղասպանությունը, ոտնահարում է իր երկրի ազգային փոքրամասնությունների իրավունքները, ռմբակոծում է քրդերին, օկուպացրել է Եվրամիության անդամ Կիպրոսի տարածքի մի մասը և փակել է Հայաստանի հետ սահմանը:

armarlur.com

Թեգեր` Նուվել դ’ Աղմենի