Երեկ կեսգիշերին Ուկրաինայում ավարտվեց նախագահական ընտրությունների նախընտրական քարոզարշավը. այսօր այդ երկրում լռության օր է, իսկ վաղը տեղի կունենան ընտրություններ:

«Ինտերֆաքս»-ի տեղեկացմամբ,  երկրում գործող օրենսդրության համաձայն, նախընտրական քարոզարշավի ավարտվելուն պես Ուկրաինայում պետք է դադարեցվեն  արտաքին գովազդը, քարոզչական նյութերի հեռարձակումը հեռուստատեսությամբ ու ռադիոյով, դրանց տպագրումը թերթերում:

Տեղեկացնենք, որ հունվարի 17-ին կայանալիք ընտրություններին մասնակցում են   նախագահի 18 թեկնածուներ:

Քաղաքական վերլուծաբանները կանխատեսում են, որ  հիմնական պայքարը կընթանա գործող նախագահ Վիկտոր Յուշչենկոյի, վարչապետ Յուլիա Տիմոշենկոյի և Տարածաշրջանների կուսակցության նախագահ Վիկտոր Յանուկովիչի միջև:

ArmAr.am