Մոտ մեկուկես տարվա գործունեության ընթացքում ՀՀ Սփյուռքի նախարարությունն արդեն հասցրել է գրանցել իրականացված ծրագրերի մի ամբողջ ցանկ.

գործակցության ծրագրեր և հուշագրեր է կնքել ՄԱԿ-ի զարգացման ծրագրի, ՀՀ ԳԱԱ-ի, Հայաստանի գրողների միության հետ: Սփյուռքի նախարարության նախաձեռնությամբ, ԵՊՀ-ում բացվել է սփյուռքագիտության ամբիոն, իսկ ՀՀ ԳԱԱ գրականության և արվեստի ինստիտուտներում բացվել է սփյուռքի բաժին: Պետպատվերի շրջանակներում հրատարակվել են «Հայությունն Իսրայելում», «Իսլամացված հայերի խնդիրնրի շուրջ», «Ջավախքահայության որոշ խնդիրներ» և այլ աշխատություններ:

Նախարարությունը անցնող տարում  իրականացրեց հայրենադարձությանը խթանող մի ծրագիր, որի շրջանակներում Հայաստան է այցելել շուրջ 300 սփյուռքահայ երիտասարդ:

2009-ի մարտից սկսվել են սփյուռքահայ ուսուցիչների վերապատրաստման դասընթացները: Աշխատանքներ են տարվում Սփյուռքի և հայաստանյան դպրոցների միջև «Քույր դպրոցների» կապեր ստեղծելու ուղղությամբ:

Նախարարության աջակցությամբ, Սփյուռքի հայ համայնքներում նկատվում է կիրակնօրյա դպրոցների ստեղծման միտում:

ArmAr.am