Ադրբեջանում ԱՄՆ նոր դեսպանի նշանակման հարցը դեռ չի հստակեցվել
Փետրվար 3, 2010թ. 09:20
Ադրբեջանում ԱՄՆ նոր դեսպանի նշանակումը ձգձգելու որևէ առիթ կամ պատճառ չկա: Այսպիսի հայտարարությամբ Բաքվում հանդես է եկել այդ երկրում ԱՄՆ դեսպանատան գործերի հավատարմատար Դոնալդ Լուն:
«Ընթացիկ ամսվա սկզբերին ես Վաշինգտոնում էի և դեսպանի նշանակման հարցով կարծիքներ փոխանակեցի շատերի հետ: Մենք ուզում ենք հնարավորինս շուտ լուծել դեսպանի նշանակման հարցը: ԱՄՆ-ում նշանակման գործընթացը երկարատև է, միայն երկրի նախագահն է իրավասու որոշում ընդունել», – ասել է գործերի հավատարմատարը: Այս մասին հայտնում է «Թրենդ» գործակալությունը:
Դոնալդ Լուն մեկնաբանել է նաև ԼՂ հակամարտության ընթացիկ բանակցություններում վերջին զարգացումները, նշելով, որ դրական է գնահատում ԵԱՀԿ Մինսկի խմբի համանախագահների ակտիվացումն ու բանակցային գործընթացի ինտենսիվությունը:
ArmAr.am
Դիտել Ադրբեջան, Լրահոս, Տարածաշրջան բաժնի բոլոր նյութերը
