Ժողովրդի անվտանգության եւ խաղաղ ապրելու իրավունքի ապահովումը ԼՂՀ իշխանությունների գերխնդիրն է. ըստ «Ռեգնում» գործակալության` Արցախյան պատերազմում զոհվածների թանգարանում ասել է ԼՂՀ Ազգային ժողովի նախագահ Աշոտ Ղուլյանը:

«Ղարաբաղյան կարգավորման բանալին Ստեփանակերտում է, եւ մենք այն ոչ ոքի չենք տա: Ինչքան ուժեղ, կազմակերպված ու համախմբված լինենք, այնքան մեծ հնարավորություններ կունենանք այդ բանալին ճիշտ օգտագործելու»,- նշել է նա:

Ա.Ղուլյանը նաեւ անդրադարձել է հայ-թուրքական հարաբերություններին` նշելով, որ հաշտեցման գործընթացը ողջունելի կլինի միայն այն դեպքում, եթե չշաղկապվի Ղարաբաղյան հիմնախնդրի հետ:

ArmAr.am