Սերբական «Ռադիկալ» կուսակցությունը, որը համարվում է  երկրի հզոր ընդդիմադիր ուժը, հանդես է գալիս Աբխազիայի եւ Հարավային Օսիայի անկախության ճանաչման օգտին: Այդ մասին հայտարարել  է կուսակցության նախագահի տեղակալ եւ Սերբիայի խորհրդարանում (սկուպշինայում) կուսակցության խմբակցության առաջնորդ Դրագան Տոդորովիչը:

Վերջինս հայտարարել է, թե. «Այդ հարցում մենք երկընտրանք չունենք: Մենք կողմ ենք Աբխազիայի եւ Հարավային Օսիայի անկախության ճանաչմանը: Եվ մեզ ամբողջությամբ հասկանալի  է Ռուսաստանի Դաշնության դերը, որը հանդիսանում է տարածաշրջանում կայունության երաշխավորը»: