ՀՀ կարավարության այսօրվա նիստում գործադիրը հաստատել է ՀՀ տարածքում ինքնակամ շինարարության դեմ պայքարի հիմնախնդիրների լուծման հայեցակարգը, որտեղ նախանշվում են ինքնակամ շինարարության դեպքերը նվազեցնելու, դրա դեմ պայքարի արդյունավետությունը բարձրացնելու և հետագայում դրանք բացառելու ուղղությամբ ձեռնարկվելիք միջոցները:

ՀՀ վարչապետ Տիգրան Սարգսյանն ընդգծել է, որ ՀՀ կառավարությունը անօրինական շինարարության խնդրում որդեգրել է սկզբունքային և կոշտ դիրքորոշում: Այժմ ստեղծվել է մի իրավիճակ, երբ ավելի ձեռնտու է անօրինական շինարարություն կատարել, հետո այն օրինականացնել, քան շինարարությունը սկսել և իրականացնել օրինականության շրջանակներում։ Ուստի, այս հայեցակարգի շուտափույթ ընդունումն անհրաժեշտություն է։

ArmAr.am