Քիչ առաջ Երևանի Գոլդեն Փելես հյուրանոցում ավարտվեց Արցախի Հանրապետության  նախագահ Բակո Սահակյանի հանդիպում-առանձնազրույցը ԵԱՀԿ գործող նախագահ Կանատ Սաուդաբաևի հետ։ Հանդիպումից անմիջապես հետո,  Արցախի Հանրապետության  նախագահը լրատվամիջոցների ներկայացուցիչներին փոխանցեց  իր տպավորությունը.

«Այս հանդիպումը ճանաչողական բնույթ էր կրում, որովհետև սա` ԵԱՀԿ գործող նախագահի առաջին այցելությունն էր տարածաշրջան։ Բացի այդ՝ Ղազախստանը նոր է ընդունել ԵԱՀԿ-ի նախագահությունը, և մեր  հանդիպումը կարևորվեց նաև այդ առումով, ինչը ես բնական եմ համարում»:

Արցախի Հանրապետության նախագահը նկատեց, որ Արցախի իշխանությունները ԵԱՀԿ նորընտիր նախագահի հետ մեծ հույսեր են կապում. «Մենք մեր հանդիպման ժամանակ քննարկեցինք արցախյան հիմնախնդրի հետ կապված հարցեր, իմ կողմից ընդգծեց` Ղազախստանի նախագահության ժամանակաշրջանում հակամարտության կարգավորման ուղղությամբ ունեցած մեր հույսերը»,-ասաց Արցախի Հանրապետության նախագահ Բակո Սահակյանը:

ArmAr.am

Թեգեր` Արցախի Հանրապետության նախագահ Բակո Սահակյան, ԵԱՀԿ գործող նախագահ Կանատ Սաուդնբնև, Երևան, Ղազախստան