Թուրքական մեջլիսի Արտաքին կապերի հանձնաժողովի անդամները հանդիպել են Թուրքիայում ԱՄՆ-ի դեսպան Ջեյմս Ջեֆրիի հետ: Նշված հանձնաժողովի նախագահ Մուրաթ Մերջանը տեղեկացրել է, որ Հայոց ցեղասպանության բանաձևի առնչությամբ իրենց մտահոգությունը հայտնելու համար  իրենք հանդիպում են կազմակերպել ԱՄՆ դեսպանի հետ: Այս մասին տեղեկացնում է «CnnTurk»-ը:

Լրատվամիջոցի տեղեկացմամբ, Ջեֆրին կարևորել է Վաշինգտոնի և Անկարայի միջև տեսակետների փոխանակումը և ասել. «Մենք կհստակեցնենք մեր տեսակետները և կջանանք պատասխանել ձեր հարցերին»:

Ամերիկացի դեսպանը հստակ պատասխան չի տվել այն հարցին, թե արդյոք ներկայացուցիչների պալատի արտաքին հարաբերությունների հանձնաժողովում Ցեղասպանության մասին բանաձևի դրական քվեարկությունը բացասաբար չի ազդի հայ-թուրքական կարգավորման գործընթացի վրա:

«Մենք աջակցում ենք այդ գործընթացին, ինչպես մեջլիսում հայտարարել էր նախագահ Օբաման, այդ խնդրի ամենալավ ճանապարհը Երևանի ու Անկարայի միջև առկա գործընթացի շարունակումն է»,- ասել է Ջեյմս Ջեֆրին:

ArmAr.am