1915 թվականին Թուրքիայի Մարդին նահանգից  Իրաքի Մոսուլ քաղաք ձգվող երկաթգծի շինարարության վրա հազարավոր հայ երիտասարդներ են աշխատել: Երիտթուրքական իշխանությունները  ծանր պայմաններում աշխատեցնելով  հայ երիտասարդներին, այնուհետև, դաժանաբար սպանում էին նրանց: Նաև այս կերպ ի կատար էր ածվում  հայությանն իր բնօրրանում ոչնչացնելու ցեղասպան ծրագիրը:

Եվ ահա այսօր վերաբացվել է Իրաք-Թուրքիա սույն երկաթգիծը: Այս մասին տեղեկացնում է թուրքական CNNturk-ը: Գործակալության փոխանցմամբ, Իրաքի Մոսուլ քաղաքից Թուրքիայի Մարդին նահանգ մտած ուղևորատար գնացքը դիմավորել են  ցնծությամբ:

Մարդինի նահանգի Նուսայբին շրջանի վարչական ղեկավար Յուջել Գեմիջին   դիմավորելով իր շրջան մտած գնացքը ասել է.«Երկաթուղային հաղորդակցությունը ավելի կամրապնդի Իրաքի եւ Թուրքիայի միջեւ սոցիալ-տնտեսական կապերը»։

ArmAr.am