Արցախի Հանրապետության վարչապետ Արա Հարությունյանը գյուղատնտեսության ոլորտի պատասխանատուներին եւ շրջանների ղեկավարներին հանձնարարել է դադարեցնել հանրապետության սահմաններից դուրս անասունների իրացման փորձերը:

Անասնաբուծության հարցերով խորհրդակցության ժամանակ վարչապետը նշել է, որ ներկայում Հայաստանում նկատվում է անասունների գլխաքանակի կրճատում եւ մսամթերքի գների աճ, ինչը կարող է վատ հետեւանքներ ունենալ:

Այդ կապակցությամբ նա ընդգծել է կենդանիների իրացման նկատմամբ վերահսկողության խստացման անհրաժեշտությունը: Վարչապետը խնդիր է դրել խրախուսել խոզաբուծության զարգացումը, ինչը թույլ է տալու փոխհատուցել խոշոր եւ մանր եղջերավոր անասունների հնարավոր կրճատումը:

ArmAr.am