Ս.թ. փետրվարի 22-ին Հայաստանի դեսպան Ռուբեն Կարապետյանը հանդիպել է Իտալիայի Նախարարների խորհրդի նախագահի տեղակալ (փոխվարչապետ) Ջաննի Լետտայի հետ: Այս մասին տեղեկացնում են ՀՀ  ԱԳ նախարարության մամուլի և տեղեկատվության վարչությունից:

Դեսպանը շնորհակալություն է հայտնել Ջաննի Լետտային ջերմ ընդունելության համար և փոխանցել Հայաստանի կառավարության շահագրգռվածությունը հայ-իտալական հարաբերությունների համակողմանի զարգացման հարցում: «Այսօր առկա են բոլոր հնարավորությունները, որպեսզի Իտալիան դառնա Հայաստանի առաջնային գործընկերներից մեկը»,- նշել է դեսպանը:

Ռուբեն Կարապետյանը Ջաննի Լետտային տեղեկացրել է ընթացիկ տարում ծրագրված այցերի և կարևոր միջոցառումների մասին: Դեսպանը խնդրել է Իտալիայի վարչապետին փոխանցել Հայաստան այցելելու Հայաստանի վարչապետի հրավերը:

Ջաննի Լետտան նշել է, որ Իտալիան նույնպես կարևոր է համարում Հայաստանի հետ հարաբերությունների զարացումը: Այդ կապակցությամբ պրն. Լետտան խոստացել է իր աջակցությունն ու գործնական ներդրումը համագործակցությանը նոր թափ և որակ հաղորդելու նպատակով:

ArmAr.am