«Մոտ ժամանակներս միջոցառումների փաթեթը կուղարկվի նախագահին եւ կներկայացվի հանրությանը։ Մշակված միջոցառումների թիրախում են հասարակության անապահով շերտերը, ում վրա թանկացումներն ամենաշատը կանդրադառնան։ Կառավարությունը անապահով խավերի համար փոխհատուցման միջոցներ կգտնի»,- այսօր խորհրդարանում հայտարարել է վարչապետ Տիգրան Սարգսյանը։ Վարչապետի խոսքը վերաբերել է գազի եւ ջրի սակագնի բարձրացման հետևանքները մեղմելու ուղղությամբ իրականացվող աշխատանքներին: Ֆինանսների նախարար Տիգրան Դավթյան.«Կառավարությունը մշտապես մանրամասնորեն քննարկում է սակագների բարձրացման հայտերը, եւ եթե դրանք անհիմն է համարում, մերժում է։ Հանրային ծառայությունները կարգավորող հանձնաժողովը կներդնի առավելագույն ջանքերը՝ գների աճը կանխելու համար։  Քանի որ  հաճախ գների բարձրացումն արդարացված է լինում։ Ինչ վերաբերում է գազի գնին, ապա այն պայմանավորված է Հայաստան գազի ներկրման գնի բարձրացման հետ»,- ասել է նախարարը։

ArmAr.am