Թուրքական մամուլը շարունակում է գնահատականներ տալ  ՀՀ Սահմանադրական դատարանի որոշմանը: Լրատվամիջոցներում հնչում են հերթական գնահատականները, թե. «ՀՀ ՍԴ որոշումը Թուրքիային և Ադրբեջանին հասցրել է դիվանագիտական մեկուսացման»:

Թուրք վերլուծաբանները միաժամանակ արձանագրում են, որ Թուրքիայի որդեգրած քաղաքականությունը` շաղկապել  հայ-թուրքական հարաբերությունների կարգավորման գործընթացը արցախյան  հիմնախնդրի լուծման հետ` ձախողված է:

Քաղաքական վերլուծաբանները իրավիճակից ելքեր են փնտրում: Դրանցից մեկը հետևյալն է. առաջարկում են որպեսզի հայ-թուրքական արձանագրությունների վավերացումը իրականություն դառնա, ընտրել առավել օպտիմալ ճանապարհը` երկու արձանագրությունները վավերացնել ոչ թե միաժամանակ, այլ` առանձին-առանձին: Նկատում են, թե Անկարան ցանկանում է, որ վավերացվի միայն  արձանագրություններից մեկը, որում ամրագրված է Հայաստան-Թուրքիա սահմանի բացման մասին:

Թուրք վերլուծաբանները Թուրքիայի համար դժվար իրավիճակից ելքը համարում են ԱՄՆ-ին վստահեցնելը, որ Թուրքիան ՆԱՏՕ-ի անփոխարինելի գործընկերն է: Հետևապես.«Թուրքիան իրավունք չունի  ԱՄՆ-ի դեմ շեշտակի քայլեր անել, քանի որ Թուրքիայի տնտեսական առաջընթացը մեծապես պայմանավորված է Համաշխարհային բանկից և Արժույթի միջազգային հիմնադրամից»:

Հետաքրքիր մի հանգամանք ևս, այսօր թուրքական լրատվամիջոցներով շրջանառվող հիմնական դիրքորոշումը հետևյալն է. սպասել մինչև 2011 թվականը` մինչև Թուրքիայում կայանալիք խորհրդարանական ընտրությունները, երբ կառավարությունն իզորու կլինի երաշխավորել հայ-թուրքական արձանագրությունների վավերացում:

ArmAr.am