Քիչ առաջ բազմաթիվ երիտասարդներ վառվող մոմերը ձեռքին երթով բարձրացան դեպի Ծիծեռնակաբերդի հուշահամալիր՝ հարգանքի տուրք մատուցելու սումգայիթյան զոհերի հիշատակին:

Երթի կազմակերպիչը «Միասին» երիտասարդական շարժումն է:

Կազմակերպիչները տեղեկացնում են, որ  երթից հետո շարժման մասնակիցները նամակներ են հանձնելու միջազգային կազմակերպությունների՝ ՄԱԿ, ԵԱՀԿ, ԵԽ երևանյան գրասենյակներին՝ պահանջելով գնահատական տալ 22 տարի առաջ ադրբեջանական Սումգայիթ քաղաքում կատարված իրադարձություններին:

«Բազմաթիվ երիտասարդների անունից կոչ է արվում միջազգային հանրությանն ու միջազգային կազմակերպություններին տեղի ունեցած ոճրագործությանը համապատասխան գնահատական տալ՝ դրանք որակել որպես Ցեղասպանություն, որպեսզի նման ոճիրներ այլևս տեղի չունենան, քանզի փորձը ցույց է տվել, որ 1988-ից ի վեր նմանատիպ ոճրագործություններ են տեղի ունեցել»,- հայտարարել  են շարժման մասնակիցները:

ArmAr.am