Երեկ հրավիրված նիստում Թուրքիայի վարչապետ Էրդողանը խոսել է իր ղեկավարած «Արդարություն և զարգացում» կուսակցության կողմից  առաջարկված սահմանադրական  փոփոխությունների մասին: Վարչապետն ասել է, թե դրանք միտված են դժվարացնեն քաղաքական կուսակցությունների գործունեության արգելումը Թուրքիայում:

Ի դեպ, կիրակի օրը քաղաքական հեղաշրջումներին` «Ոչ» ասելու նպատակով, հազարավոր մարդիկ բողոքի ցույցերով դուրս էին եկել Ստամբուլի փողոցներ: Թուրքիայում բարձրաստիճան տասնյակ զինվորականների ձերբակալություններից հետո երկրում ներքաղաքական իրավիճակը շարունակում է մնալ լարված:

Հետաքննության արդյունքում ձեռք են բերվել ապացույցներ, համաձայն որոնց ձերբակալված զինվորականները վարչապետի ղեկավարած «Արդարություն և զարգացում» կուսակցությունը իշխանությունից հեռացնելու նպատակով, դեռևս 2003-ին են հեղաշրջման իրականցման  փորձ նախապատրաստել:

Նշենք որ բարձրաստիճան զինվորականությունը միայն  վերջին 50 տարիների ընթացքում, Թուրքիայում չորս անգամ իշխանափոխություն են իրականացրել:

ArmAr.am

Թեգեր` «Արդարություն և զարգացում» կուսակցություն, Թուրքիա, սահմանադրական փոփոխություններ, վարչապետ Էրդողան, քաղաքական հեղաշրջումներ