Գարնան առաջին օրվան ընդառաջ այսօր լրագրողների հետ է հանդիպել «Ագրարագյուղացիական միություն» հասարակական կազմակերպության նախագահ Հրաչյա Բերբերյանը:

Հրաչյա Բերբերյանն ընդգծել է, որ հողի սեփականաշնորհումից հետո մեր երկրում որեւէ այլ բարեփոխում չի իրականացվել: Իրենց միությունը մշակել ու բարեփոխումների նոր ծրագիր է առաջարկում: Հայ գյուղացիները, գյուղմթերք արտադրողները պետք է կազմակերպություններ ստեղծեն:

«Դրանք կարող են լինել և սպառողական միություններ, և հասարակական կազմակերպություններ, այսինքն, այն բջիջը, որը գյուղում կսկսի աշխատել արտադրության համար, հենց դրանք էլ կլինեն պետության գործընկերը: Կարող է լինել նոր բաժնետիրական ընկերություններ` չխախտելով անհատ սեփականատիրոջ իրավունքը: Ինքը մնում է սեփականատեր, տարբեր ձևերով մասնակցում է գյուղի բարդ հարցերի լուծմանը` դա կլինի պարարտանյութ, դիզվառելիք, թունաքիմիկատ եւ ամենակարեւորը արտահանում»,- ասել է Հրաչյա Բերբերյանը: