Նախօրին «Հարավկոսկասյան երկաթուղիներ» ընկերության ընկերության գործադիր տնօրեն Շևքեթ Շայդուլինը հանդիպել է Քանաքեռ-Զեյթուն վարչական շրջանի ղեկավար Արայիկ Քոթանջյանի հետ: Հանդիպմանը ներկա է եղել նաև Երևանի գլխավոր ճարտարապետ Սամվել Դանիելյանը: Ըստ ընկերության մամուլի հաղորդագրություն, կողմերը քննարկել են Երևան-Հրազդան նոր էլեկտրագնացքի հնարավոր գործարկման մասին հարցերը, որը պետք է իր երթուղին մեկնարկի Երևանի «Ալմաստ» ավտոկայանից:

«Հարավկովկասյան երկաթուղիներ» ընկերության ներկայացուցչի կարծիքով, այդ նոր միջքաղաքային երթուղին հնարավորություն կտա նվազեցնել ճանապարհային ենթակացուցվածքների ծանրաբեռնվածությունը, և միաժամանակ ստեղծել ուղևորների այլընտրանաքային փոխադրամիջոց: Ենթադրվում է, որ երթևեկության ընթացքը կկազմի ընդհամենը 50 րոպե:

«Հարավկովկասյան երկաթուղի» ՓԲԸ «Ռուսական երկաթուղիներ» ԲԲԸ 100 % դուստր ընկերությունն է: «Հայկական երկաթուղի» ՓԲԸ կոնցեսիոն կառավարման է հանձնվել «ՀԿԵ» ՓԲԸ` համաձայն Կոնցեսիոն պայմանագրի, որը կնքվել է 2008թ. փետրվարի 13-ին: Կոնցեսիոն կառավարման ժամկետը կազմում է 30 տարի` 10 տարի հետաձգման իրավունքով: