ՀՀ Հանրային Խորհրդի Պաշտպանության և Ազգային անվտանգության հանձնաժողովի անդամ, Հիմնարար Գիտությունների Հայկական Կենտրոնի տնօրեն Սիմոն Կամսարական նամակով դիմել է Գլխավոր դատախազ Աղվան Հովսեփյանին` ԱԳ նախարարին պատասխանատվության ենթարկելու մասին: Ստորև ներկայացնում եք նամակ -դիմումը.

Ելնելով նրանից, որ «ՀՀ և Թուրքիայի միջև դիվանագիտական հարաբերություններ հաստատելու մասին» և «Երկկողմ հարաբերությունների մասին» արձանագրություններ կոչվող փաստաթղթերը իրականում (չնայած քողարկման, ծածկագրման ջանքերի) ներկայացնում են միջազգային-իրավական առումով` կնքման իսկ օրվանից, անօրինական հանդիսացող «13 հոկ¬տեմբերի, 1921 թ. Կարսի» հնգակողմ և «16 մարտի, 1921թ. Ռուս-թուրքական» եռակողմ պայմանագրերում ամրագրված և Հայաստանի Հանրապետությանը (ներառյալ Ղարաբաղի վերաբերյալ գաղտի մասով) վերաբերող բոլոր դրույթները, այն տարբերությամբ միայն, որ հիմա էլ միջնորդ երկրի դերում` բոլշևիկյան Ռուսաստանի փոխարեն, հանդես է գալիս Շվեյցարիան, իսկ բուն պատվիրատուն Եվրոմիությունն է, պարտադրողի դերում էլª եվրոկոմիսարները, համոզողի դերումª ԱՄՆ պետդեպարտամենտն ու Ռուսաստանի Դաշնության արտգործնախարարությունը.

Հիմունքում ունենալով այն, որ.

1.    ՀՀ արտգործ նախարարի կողմից 31.08.2009թ. հրապարակված Համաձայնագերի տեքստերը (հայերեն տարբերակները) ոչ անփութության, այլ հենց որոշակի միտումով չեն համապատասխանում, էապես տարբերվում են հիմնական համարվող անգլերեն տեքստից:

2.    Համաձայնագրերը, մեղմ ասած, չեն համապատասխանում դրված խնդրի համար Հայաստանի Հանրապետության կողմից որդեգրված` «առանց նախապայմանների» քաղաքականությանը:

ՀՀ Արտգործնախարարի կողմից.

3.    չի կատարվել, ավելի ճիշտ նենգափոխվել է ՀՀ Նախագահի (բազմիցս հրապարակված) հանձնարարականը. եռակողմ, գաղտնի բանակցությունները, դրանց արդյունարար համաձայնությունները առանց նախապայմանների լինելու հանձնարարականը.

4.    փորձ է արվում (եվրոկոմիսարների և էմիսարների շնորհավորական օվացիաների և հորդորների աղմուկի տակ) խաբեության, դեմագոգիայի հնարքներով, նաև արտաքին ճնշման լծակներով թյուրիմացության մեջ գցել, ապակողմնորոշել ՀՀ Նախագահին, Ազգային Ժողովի պատգամավորներին, իրագործելու համար իր կողմից (անձնական` ինչ-ինչ շահադիտական ակնկալիքներով) ստանձնած Թուրքայի (նաև շահագրգիռ այլ երկրների ու միջազգային կառույցների) պատվերը:

Հաշվի առնելով այն, որ.

1.    ՀՀ Նախագահի հանձնարարականը կարելի էր կատարել միջազգային պրակտիկայում հայտնի լուծումներով, որոնք աղերս իսկ չունեն հրապարակված համաձայնագրերի հետ

2.    Նալբանդյանն անգամ որպես շարքային դիվանագետ պարտավոր էր ծանոթ լինել` տիրապետել միջազգային պրակտիկայում նմանօրինակ խնդիրների հայտնի, ընդունված լուծումներին.

3.    առնվազն Արա Պապյանի կողմից 26.04.2009-ին ՀՀ արտգործնախարարը վերստին տեղեկացված է եղել դրված խնդրի միջազգային լուծումներից մեկին, նա, այդուհանդերձ, իր պարտավորությունները ազնվորեն կատարելու և ներպետական ու միջազգային իրավական նորմերին և լուծումներին հարազատ մնալու փոխարեն նախընտրել է գնալ ընդդեմ մեր երկրի` այլոց պատվերը կատարելու հանցավոր ուղիով:

Սույնով դիմում ենք Ձեզ խնդրելով,

Դատական կարգով պատասխանատվության կանչելու համար, քրեական գործ հարուցել ՀՀ արտգործնախարար Էդվարդ Նալբանդյանի նկատմամբ:

Որպես նախնական մեղադրանք ներկայացնելով նրա կողմից.

ա) պաշտոնական դիրքի և լիազորությունների չարաշահումը,

գ) ՀՀ Նախագահի հանձնարարականը չկատարելը,

դ) Ընդդեմ Հայաստանի Հանրապետության, Լեռնային Ղարաբաղի Հանրապետության և Սփյուռքի հայության Թուրքիայի (նաև շահագրգիռ այլ երկրների ու միջազգային կառույցների) կողմից պատվիրված հանցագործությունը կատարել ստանձնելու, ինչպես և

ե) ստանձնած հանձնառությունը, հանձինս իր կողմից հրապարակված, «համաձայնագրերի» արդեն իսկ գործնական քայլերով կատարելու փորձի, նաև ըստ այդմ.

զ) ՀՀ և ԼՂՀ ազգային անվտանգության, ինչպես և ՀՀ, ԼՂՀ ու Սփյուռքի հայության կյանքի նկատմամբ լուրջ սպառնալիքներ ստեղծելուն նպաստող հանցագործ քայլերի համար: Ինչպես և.

է) Մարդկության դեմ ուղղված հանցագործություն կատարելու, այն է հօգուտ ցեղասպանության քարոզչություն անելու և նոր ցեղասպանություններ հրահրելուն նպաստելու գործունեությունը:

Թեգեր` ԱԳ նախարար