Ադրբեջանում Իրանի դեսպան Մուհամեդ Բահիր Բահրամին հայտարարել է, որ Իրանը պատրաստ է հանդես գալ որպես միջնորդ Հայաստանի եւ Ադրբեջանի միջեւ` ղարաբաղյան խնդրի կարգավորման գործընթացում:

«Իրանը հայտնել է իր պատրաստակամությունը` օգնել տարածաշրջանում ճգնաժամի լուծմանը»,- մարտի 14-ին իրանական Mehrnews գործակալությանը հայտնել է դեսպանը: Նա նաեւ հավելել է, որ Ադրբեջանն ու Հայաստանը ցանկություն են հայտնել, որպեսզի Իրանը նպաստի կոնֆլիկտի լուծմանն ուղղված միջնորդական ջանքերին։

«Երկու կողմն էլ խոստովանել են, որ Իրանը պետք է օգտագործի ողջ պոտենցիալը, որը կա տարածաշրջանում, այդ ճգնաժամի կարգավորմանը նպաստելու համար»,- ընդգծել է Մուհամեդ Բահիր Բահրամին:

Այնուհետեւ անդրադառնալով Իրանի քաղաքացիների համար առանց վիզային ռեժիմի Ադրբեջան այցելության հաստատմանը, դեսպանը նշել է, որ ադրբեջանական կողմը հայտարարել է, թե այդ ուղղությամբ աշխատանքներն ընթացքի մեջ են:

ArmAr.am

Թեգեր` Ադրբեջան, դեսպան Մուհամեդ Բահիր Բահրամի, Իրան, Ղարաբաղյան խնդիր, միջնորդ Հայաստան