Երևան է ժամանել Սլովակիայի արտաքին գործերի նախարար Միրոսլավ Լայչակը: Մարտի 17-19-ը ՀՀ ԱԳ նախարար Էդվարդ Նալբանդյանի հրավերով պաշտոնական այցով նա կլինի Հայաստանում:

Այցի ընթացքում նախատեսված են հանդիպումներ Հայաստանի նախագահ Սերժ Սարգսյանի, վարչապետ Տիգրան Սարգսյանի և արտգործնախարար Էդվարդ Նալբանդյանի հետ, մասնակցություն հայ-սլովակյան գործարար համաժողովի բացման արարողությանը:

Հանդիպումից հետո նախարարները կստորագրեն օդային հաղորդակցությունների մասին համաձայնագիր և եվրոպական ինտեգրման բնագավառում՝ Փոխըմբռնման հուշագիր:

ArmAr.am