Ռուսաստանի Դաշնության և Միացյալ Նահանգների միջև ռազմավարական հարձակողական սպառազինությունների վերաբերյալ պայմանագրի լսումները ԱՄՆ սենատում կարող են սկսվել արդեն ապրիլ-մայիս ամիսներին: Այս մասին, ըստ Ռիա Նովոստի գործակալության, նշել է սենատի միջազգային հանձնաժողովի ղեկավար Ջոն Քերրին:

«Պայմանագրի ստորագրման հետ կապված աշխատանքների շրջանակներում մենք պատրաստվում ենք լսումներ իրականացնել Զատիկից (ապրիլ 4) մինչև Հիշատակի օր (մայիս 31) ընկած ժամանակահատվածում»,- ասել է սենատորը:

Ըստ աղբյուրի, համաձայնագրի ստորագրման հավանական վայրը կարող է լինել Չեխիայի մայրաքաղաք Պրահան, սակայն ստորագրման վերջնական ժամկետն ու վայրը որոշելու են Ռուսաստանի և Միացյալ Նահանգների նախագահները:

ArmAr.am