ՀՅԴ Հայաստանի Երիտասարդական և «Նիկոլ Աղբալյան» ուսանողական միությունները այսօր բողոքի ակցիա են անցկացնելու ԵԱՀԿ երևանյան գրասենյակի առջև:

Ինչպես նշվում է միության տարածած հայտարարության մեջ, այն ուղղված է «ԵԱՀԿ Մինսկի խմբի համանախագահող երկրների ղեկավարների հայտարարության և Ադրբեջանի սադրիչ քաղաքականության դեմ»:

Բողոքի ակցիան սկսվելու է քայլերթով` Հայրենական մեծ պատերազմի վետերանների և Արցախյան ազատամարտի հերոսների թանգարանի մոտից (Հաղթանակի զբոսայգի)` ի հիշատակ ադրբեջանական դիվերսիային զոհ գնացած հայ զինվորների: