Դավիթ Ջամալյան.«Հրադադարի ռեժիմը միշտ էլ խախտվել է ադրբեջանցիների կողմից»
Հուլիս 1, 2010թ. 12:54
«Սպառնալիքները մի քիչ ավելի ակնհայտ են։ Պատերազմի վտանգն այս պահին ավելին է, քան երբևէ։ Մենք պետք է սթափ նայենք իրականությանը»,- ասել է պաշտպանության նախարարին առընթեր Հասարակական խորհրդի անդամ Դավիթ Ջամալյանը։
Խոսելով ադրբեջանական կողմի դիվերսիայի մասին՝ Ջամալյանը կարծիք հայտնեց, որ դա վերջին դեպքը չի լինելու։
«Միշտ պետք է սպասել նմանատիպ ոտնձգությունների»,- հավելելով, որ հրադադարի ռեժիմը միշտ էլ խախտվել է ադրբեջանցիների կողմից, սակայն հիմա՝ ավելի հաճախակի։
Ջամալյանի խոսքով՝ հրադադարի պայմաններում կա երկու վտանգ՝ դիպուկահարների և դիվերսիոն գործողությունների։
Նա նաև հավելեց, որ Ադրբեջանի նախագահի համար գոյություն ունի մի յուրօրինակ սահման. «Դիվերսիոն գործողություններից այն կողմ նա դեռ չի անցնում»։
ArmAr.am
Դիտել Զինված ուժեր, ԼՂ Հանրապետություն, Լրահոս բաժնի բոլոր նյութերը
