«Մարդկային կորուստների տեսանկյունից, իհարկե, դրական կլիներ դիպուկահարներին շփման գծից հետ քաշելը, այն որոշակիորեն կնվազեցներ նաև շփման գոտում առկա լարվածությունը, սակայն Ադրբեջանը մինչ այժմ խուսափում է դրանից»: Ասել է ԱԺ պատգամավոր, «Ժառանգություն» կուսակցության վարչության նախագահ Արմեն Մարտիրոսյանը, հավելելով, որ հունիսի 18-ին տեղի ունեցած դիվերսիոն միջադեպը ցույց տվեց, որ Ադրբեջանը ցանկացած ձևով փորձում է վնասել հայկական երկու պետություններին:

«Բոլորի համար էլ ակնհայտ է, որ շփման գոտում զոհված զինծառայողների մեծ մասը հենց դիպուկահարների կողմից են սպանվում: Բայց ադրբեջանցի պաշտոնյաներին չեն հետաքրքրում իրենց զինծառայողների կյանքը, հակառակ դեպքում` վերջիններս   ագրեսիայի չէին դիմի, այնպես որ, դա նույնիսկ քննարկելու խնդիր չէ»,- ասաց «Ժառանգություն» կուսակցության վարչության նախագահը:

ArmAr.am