-Թուրքիան ՆԱՏՕ-ի շրջանակներում անցկացվող զորավարժությունների առիթով Հայաստանի հետ սահմանը չի բացի,-ասել է Թուրքիայի ԱԳՆ ղեկավար Ահմեդ Դավութօղլուն։

Այս մասին տեղեկացնում է թուրքական «Hurriyet» թերթը’ հղում անելով «Anadolu» գործակալությանը։

-Այս թեմայի մասին ես խոսել եմ Ադրբեջանի արտաքին գործերի նախարար Էլմար Մամեդյարովի հետ՝ նշելով, որ սահմանների բացումն այժմ հնարավոր չէ, և ոչ-ոք թող դա չսպասի,-ասել է Դավութօղլուն։

Հիշեցնենք, որ օրեր առաջ խոսվում էր ա յն մասին, թե   Թուրքիան չի բացառում 2010թ. սեպտեմբերի 11-17-ը հայ-թուրքական սահմանի մասնակի և ժամանակավոր բացման հնարավորությունը՝ Հայաստանում անցկացվելիք ՆԱՏՕ-ի զորավարժությունների շրջանակներում։