Թուրքական դպրոցական դասագրքերում սրբագրումներ են արվում հայկական եւ քրդական հարցերի վերաբերյալ:

Նորացված գրքերում «Հիմնախնդրի պատճառը հայերն էին» վերնագիրը փոխվել է «Հայ-թուրքական հարաբերություններ»-ով:

Խմբագրված տարբերակում ավելացված է. «1915 թվականի իրադարձությունների վերաբերյալ հայերի պնդումները ժամանակ առ ժամանակ հայտնվում են միջազգային հանրության օրակարգում: Այդ թեմայով մեր արխիվներում կան մեծ քանակությամբ գրավոր տեղեկանքներ: Այդ տեղեկություններն ապացուցում են հայկական պնդումների թյուր լինելը: Թուրքիայի Հանրապետությունը այդ հարցերի վերաբերյալ արխիվները բացել է դրանք ուսումնասիրել ցանկացողների համար»:

Ավելացված է նաեւ հետեւյալը. «Անատոլիայում մահմեդականների հետ խաղաղ ապրող հայերի մեծ մասը չի հաստատում այդ իրադարձությունները: Հայկական գաղտնի կազմակերպությունների գործողությունների դեմ դուրս եկող հայերը պատժվում էին այդ կազմակերպությունների կողմից»:

ArmAr.am