Սեպտեմբերի 21-ին հայտնի դարձավ, որ ՌԴ մայրաքաղաքում` Մոսկվայում, Ռուսաստա­նի եւ Ադրբեջանի պաշտպանության նախարարներ` Անատոլի Մերդյուկովն ու Սաֆար Աբիևը հաստատել են երկու երկրների միջև 2010թ. ռազ­մական համագործակ­ցության պլա­նը։ Ադրբե­ջանի պաշտ­պանական գերատեսչության ղեկավարն իր ռուս գործընկերոջ հետ հանդիպման ժամա­նակ նշել էր, թե ռազմական ոլորտում երկու երկրների հարաբերությունները կառուց­ված են փոխադարձ ձեռնտու հիմքի վրա և իրագործվում են նախանշված ուղով։

Մեկնաբանություն ստանալու նպատա­կով դիմեցինք Աժ Պաշտպանության, ներքին գործերի եւ ազգային անվտանգության մշտական հանձնաժողովի նախագահ Հրայր Կարապետյանին: Նա իր տարկուսանքը հայտնեց ռոա-ադրբեջանական ռագմական համագործակցու­թյան վերաբերյալ, նկատելով.  «Հայաստանը և Ռու­սաստանը ՀԱՊԿ-ի անդամ են, իսկ Ադրբեջանը` ոչ։ Կարծում եմ, որ այս համա­գործակցությունը հակասում Է ՀԱՊԿ–ի անդամ երկրների միջեւ գործակցության տրամաբանությանը, քանի որ Ռուսաս­տանն անընդհատ ցանկանում է ուժե­ղացնել ՀԱՊԿ-ն և  բազմաթիվ քայլեր է ձեռնարկում իր նպատակների իրա­կանացման ուղղությամբ։ Այս պայ­մաններում Ադրբեջանի հետ նման պայ­մանագրի ստորագրումը չի նպաստում ՀԱՊԿ–ի հետազա զարգացմանը և որ­պես կառույցի՝ առավել հզորացմանը։ Մանավանդ որ, հատկապես Ադրբեջանի պաշտպանության նախարարը բազմիցս հանդես Է եկել Ռուսաստանի ռազմավա­րական դաշնակից Հայաստանի դեմ ռազմատենչ հայտարարություններով»,– նշեց Հրայր Կարապետյանը։

ArmAr.am